مردن چییە لەخەودا؟

مردن لەخەودا گەڕاندنەوەی ئامانەتە یان چاك بوونەوەی نەخۆشە و یان ئازاد بوونی بەندکراوە لە زیندان و یان چاوپێکەوتنە بەو کەسانەی ماوەیەکی زۆرە دوور کەوتونەتەوە ، 

مردن لەخەودا ئەگەر گریان و هاوارو قیژانی لەگەڵ دا بێت و مردوەکە لە ژیر خاك نەشاردرێتەوە مانای ئەوەیە ئایین لە بارێکی خراپ دایەو دونیاش لەبارێکی باش دایە ،

 ئەو کەسەی لەخەودا ببینێ مردوەو گریان و حاڵەتی پرسەو مردن لە ئارادا نی یە ئەو کەسە خانوەکەی ئەڕوخێ یان کوێر ئەبێت یان تەمەنی درێژ ئەبێت ،

 ووتراوە مردن سەفەرە یان هەژاری و دەست کورتی یە ،هەروەها ووتراوە مردن هاوسەر گیری یە چونکە مردو وەك بوك و زاوائەشۆردرێ و بۆنی خۆش ئەکرێت و ئەڕازێندرێتەوە ، 

ئەو کەسەی لەخەودا بمرێت ولەسەر شان هەڵبگیرێت بەڵام لە ژێر خاك نەشاردرێتەوە ئەو کەسە زاڵ ئەبێت بەسەر دوژمنەکانی دا ، ئەو کەسەی لە خەودا بمرێت و زیندو بێتەوە ‌ ئەو کەسە لە پاش هەژاری و دەست کورتی دەوڵەمەند ئەبێت ولە گوناهە‌کانی تۆبە ئەکات ، مردوێك لە خەودا بە یەکێك بڵێ من نەمردومە ئەو مردوە لە پلەو پایەی شەهیدان دایە ، مردو لەخەودا ببیندرێ دڵ تەنگە یان نەخۆشە یان لاوازبوە یاب ڕەنگی زەردە یان ئەگرێت یان بێزارە ئەو مردوە خۆی بەرپرسیارە لە کاروباری ئایینی خۆی ولەو دونیایە لەبارێکی ناخۆش دایە ، 

مردوەکان لە گۆڕ دەرچن و خواردنی خەڵکی بخۆن گرانی ئەبێت ، مردوو لەخەودا هەرچی بڵێ ڕاست ئەکات چونکە لە جێ ی هەقە ،مردو لەخەودا ببیندرێ پێ ئەکەنێت و ڕووی خۆشەو جل و بەرگی جوان و ڕێك و پێکی لەبەرە ، ئەومردوە لەو دونیایە حاڵی باشە ، ئەو کەسەی لەخەودا لەسەر مردوو نوێژ بکات ئەو کەسە ئامۆژگاری پیاوێکی دڵ ڕەق ئەکات ، هەرەوها مردن پەشیمانی یە‌ لە گوناهێکی گەورە ، 

ئەو کەسەی لەخەودا بە ڕوتی بمرێ هەژارو دەست کورت ئەبێت ، ئەگەر لەسەر فەرش بمرێ ئەکەوێتە خێرو خۆشی ، مردنی کوڕ لەخەودا مانای ڕزگاربوونە لە دوژمنێك ، ئەو کەسەی لەخەودا ببینێ مردو لەژێر خاك شاردرایەوە ئەوکەسە ئەگەر هاوسەری نەبێت زەماوەند ئەکات ، مردن بۆ ئەو کەسانە باشە کە غەمبارن یان ئەترسن ، مردنی برا لەخەودا مردنی دوژمنە ، 

ئەوکەسەی لەخەودا لەناو کۆمەڵێك مردو دا بێت ئەوە لەناو کۆمەڵێك دووڕوو دایە ،ئەو کەسەی هاوڕێ یەتی مردو بکات سەفەر ئەکات ، ئەو کەسەی لەخەودا لەسەر تەختی مردوو شۆرین دا بێت ئەو کەسە ڕزگاری ئەبێت لە قەرز و غەم و خەفەت و لەو گەناهانەی کە کردویەتی ، زیندوو بوونەوەی مردو لەخەودا مانای زیندوبونەوە و باس کردنی کارو باری ئەومردوەیە ، مردوو لەخەودا ڕووی ڕەش بێت ئەومردوە بەکافری مردوە ، ئەوکەسەی لەخەودا مردوێك زیندو کاتەوە ئەو کەسە گاورێك یان جولەکەیەك ئەکاتە ئیسڵام ، 

زیندوو هەر چی بداتە مردو باش نی یە و زەرەر و زیانی بەدواوەیە ، مردو هەر چی بداتە زیندو باشەو خێرو خۆشی بەدواوەیە ، مردو دەستی زیندو بگرێت و لەگەڵ خۆی بیبات ئەو زیندوە پارەی لە لای یەکێك دا هەیەو نایداتەوە ئەو پارەیەی بۆ ئەگەڕێتەوە ، قسە کردن لەگەڵ مردوو تەمەن درێژی یە ،زیندو مردو ماچ کات زیندوەکە سوود لە پارەو زانستی ئەو مردوە وەرئەگرێت ، نەخۆش مردو ماچ کات ئەمرێ ،زیندو لەگەڵ ئافرەتێکی مردو زەماوەند بکات ئەمرێ ، مردو جل و بەرگی پیس و دڕاو بداتە یەكێك ئەوکەسە زەرەر ئەکات وپارەی نامێنێ ، مردو لە زیندو بدات ئەو زیندوە لە ئایین دا کەم کوڕی هەیە یان لەسەفەر دائەکەوێتە خێرو خۆشی ، 

زیندو لەخەودا لەگەڵ مردو بخەوێت زیندوەکە تەمەن درێژ ئەبێت ، ئەوکەسەی لەخەودا ببینێ دایکی ئەمرێ کاروباری دونیای تێك ئەچێت ، نەخۆش لەخەودا ببینێ برای مرد خۆی ئەمرێ ، 

ئەو کەسەی لەخەودا هاوسەرەکەی بمرێت کاروباری پیشەو ژیانی تێك ئەچێت ، لەخەودا ببیندرێ مردوێك لە ناو ئاوی دەریادا ئەخنکێ ئەو مردوە لە ماوەی ژیانی دا گوناهی زۆری کردوە ، مردوەکان لە گۆڕەکانیان دەرچن مانای ئەوەیە بەندکراوەکان لە زیندان ئازاد ئەکرێن ، 

مردن بۆ هەژار دەوڵەمەند بوونە ، مردنی پیغەمبەرەکان لە خەودا مانای لاوازبوونی باری ئایینە ، مردنی دایك و باوك تێك چونی کاروباری ژیانە ، مردنی هاوسەر دونیا و ژیانێکی بێ سوودو بەسەر چوە .